Walking through the memory

 Unha forma de descubrir, visibilizar e poñer en valor o noso patrimonio é coñecéndoo. Iso é o que fai o alumnado de 5º e 6º de primaria nunha das actividades do Club de Ciencia.  As simulacións prehistóricas serven de escenario para a creación de Videoxogos con CoSpaces, unha plataforma de creación de contidos en Realidade Virtual.  Compartimos un pequeno adianto do traballo que están a facer.  Se queredes podedes probar a descargar a aplicación CoSpaces_Edu para dispositivos móbiles e xogar

Continuamos a traballar o patrimonio de Arteixo porque o medio e a cultura popular ofertan unha chea de recursos didácticos-motivadores cos que enriquecer a nosa labor educativa. Esta é a lenda do Galo vista cos ollos dos nenos e nenas de 5 anos da clase de 6º A de Educación Infantil. 

No primeiro nivel de Educación primaria están preparando un traballo para que poidades coñecernos un pouco mellor.  Usan a cámara 360 grados para facer videos da escola e mostrar as diferentes dependencias e utilizan Genial.ly para organizar e presentar todo o traballo.  De momento, mostrámosvos a primeira etapa do proxecto que grazas ao alumnado do nivel, os profes Guille e Judith, irán completando ao longo do curso.