APRENDIZAXE INMERSIVA

A aprendizaxe inmersiva é aquela  que utiliza a realidade virtual, a realidade aumentada e a fotografía ou o vídeo 360º para mostrar e  interactuar  cos contidos que queremos traballar.

O uso desta tecnoloxía fomenta a estimulación  multisensorial do alumnado e conleva un aumento da motivación e a curiosidade á vez que favorece a comprensión de determinados contidos dunha maneira máis natural e eficaz e menos abstracta.

Adáptase ás necesidades educativas do alumnado ao que lle resulta máis fácil a asimilación de conceptos xa que permite  vivenciar e conectar dunha forma máis eficaz cos contidos, logrando un maior desenvolvemento de competencias e unha aprendizaxe máis significativa.

Os nosos proxectos de aprendizaxe inmersiva baséanse na creación por parte do alumnado, principalmente, de contextos e escenarios cos que pode xogar e interactuar, perseguindo un  modelo educativo que potencia un alumnado protagonista da súa aprendizaxe.